Facebook

Download our Free App

Subscribe now

captcha 

Who ah get Groupie of the year/JPS BUS STONED Featured

Entertainment News Written by  ABENA Friday, 24 December 2010 03:37 font size decrease font size increase font size 0
Rate this item
(0 votes)
Dem never know say ah so Jamaicans hate JPS, look how dem stone the bus wid the pretty JPS logo dem and injure the netballers dem! Mi can understand the anger because ah nuff ah mi friend dem inna the ghetto ah feel it. From dem extradite Dudus, the police come in and clear out all illegal connections and dem ah get some 6000 light bill and over. All my cousin ah Tivoli, ah she ah feel it, when mi used to visit her, she all lef the TV on and gone a market and nuh care because no bill never did a run, and now, all of a sudden, the ting change and dog nyam dem supper. This year, mi no see no whole heap a Xmas decoration and pepper lights, the ting CRAMP UP, austerity measures a gwaan fi everybody.

 

 

WHICH ONE OF BOUNTY KILLER GIRL DEM A GO EAT MANY STAKE FI XMAS?
Mi know say Claudia alright because she get her Xmas money, but some ah dem gal ya who feel say dem ah the new Mrs. Rodney Pryce have another ting coming. Xmas money haffi cut this year, that's why dem a call and him not answering dem, no bb, no text, no nothing. And not to mention, the new browning inna him life, mi know say it ah mad dem, but Claudia still know say she ah the wife.
Why? Because her pocket have mumps, it fat up wid the Killer money, that's why. So nuff gal ah go eat mangy stake this Xmas because nothing nah gwaan fi dem.
 

 

KARTEL GIVES IT TO KILLER TONIGHT ON ER
Wah Kartel really a go say about Bounty Killer tonight? And when Anthony Miller ah go interview Beenie Man bout all the shenanigans. And how mi see it inna the STAR say Beenie Man still ah say Gaza, after all the almshouse him keep up on Kartel, him still waan the man fans dem fi cheer fi him? Beenie barefaced, doan? Yu soon hear say him and Killer fall out again next year, ah just him personality, him caan tame.


PEOPLE WAAN FI KNOW...
What Laing ah plan fi Kartel inna the new year if Sting flop because of him?

Will Mr. Lexx be able to make a comeback? The last time, him go jail, him come back
come run the place.


Who ah go get Groupie of the year?


Will the US Babylon try cancel Buju Banton show wid a surprise drug test? Gargamel, doan mek dem style yu!!!

Read 3726 times Last modified on Sunday, 02 January 2011 23:50

Leave a comment

Make sure you enter all the required information, indicated by an asterisk (*). HTML code is not allowed.