Facebook

Download our Free App

Subscribe now

captcha 

DEATH SQUAD AFTER MAVADO?!!!GIMME A EFFING BREAK! Featured

Entertainment News Written by  ABENA Friday, 17 June 2011 04:02 font size decrease font size increase font size 0
Rate this item
(0 votes)
People, ah me name Abena, and mi ting LOUD, no whispering, no soft voice, mi ting LOUD. Weh dem feel like? NO JOKE NO INNA MI TING. Mi deejay Beenie Man hot again, him have two tune fi the Summer, Inna Mi Go Go Club and the one weh him ah call up Bounty name, plus him ah mek crazy new recordings wid some foreign producers, weh dem feel like? Ah Beenie mi say. Mi have to say condolences to Mavado friend who got shot in the club last weekend, he passed away on Thursday, and Mavado got the call right after he did Onstage with Winford Williams that the man drop flesh. Hope he puts a scholarship fund in his friend's name to honour his memory. RIP.

 

Image

DEATH SQUAD AFTER MAVADO?
Why Mavado put up that eediat youtube video when him know say is a criminal case him ah face inna court? And ah talk up a bagga tings bout Death Squad police.
Him caan win da case de, and it caan buy out again, because if the police go jail, him affi rub some time too
because ah him assault the cop inna the first place, and that LEAD TO THE SHOOTING. Him need fi undastand himself.
Dem police de kill people fi a living, why dem woulda draw dem gun inna one crowded public place unless dem feel
say dem life in a CLEAR and PRESENT DANGER. Jamaica nuh waan see none ah oonu right now, the country change, we tired
of oonu and oonu fuckery. Ah LIFE we say and respect. Yu never hear SAVAGE say 'doan diss no man'. If the police did
really waan kill yu, dem woulda drive up inna tint up Kingfish and spray yu body and put a gun inna yu waist. Or run in
pon yu early one morning when yu have matta inna yu eye and weed smoke pon yu breath and out yu. We know the real ting dem,
ah Waterhouse we born and grow.

Image

BEENIE AND TOYA SHOOT VIDEO FOR ONE MAN WOMAN
How Down Sound ah go hard wid Toya new video wid Beenie Man? Mi hear say dem tek the whole ah Mobay fi
demself, from the Blue Beat club to the Cartier store in the high end mall, the ting amp up.

Image

Image
REGGAE SUMFEST TO HONOUR BERES HAMMOND
Mi love how Reggae Sumfest ah honour Beres Hammond. When Beres hear the songs offa the new CD inna the tribute
to him, the man start bawl, the way him get emotional. Big up Beres.


CASHPLUS MONEY UP FOR GRABS?
The Cashplus saga continues with today in the Supreme Court with an application from the trustee in bankruptcy and liquidator of Cash Plus Limited, Hugh Wildman. Wildman ah try mek investors and creditors benefit from the assets of the failed scheme, and him waan block the sale of
the sale of the Hillshire Hotel in Montego Bay which is valued at approximately US$3 million. Dweet Wildman because mi waan back some ah my money weh dem tief up. OH!

Image
DUDUS RETURNS TO COURT ON JULY 8TH
Christopher 'Dudus' Coke heads back to court on July 8, for a scheduling hearing, at which time a date for the
start of his trial could be set. Ah one year now him inna the maximum security over the US. What a way time flies eh!

PEOPLE WAAN KNOW...
Why dem nuh waan give Demarco nuh props? Him 'I Love My Life' song ah one of the best fi the year. BIG UP YUTE!
Right now, dat ah mi ring pon mi blackberry, weh dem feel like?

How Ragashanti ah talk say him have 50,000 to 60,000 listeners pon him Internet radio station, Tambareen Radio.
How him so lie?

 

Read 2986 times Last modified on Friday, 17 June 2011 10:46

Leave a comment

Make sure you enter all the required information, indicated by an asterisk (*). HTML code is not allowed.