Bounty Trial Kicks off in Gun Court/Kip Rich Angers Wid Cake Soap song Featured
BOUNTY KILLER FOR GUN COURT TODAY
Well, it start now, and mi a wish Bounty Killer all the best. The man is a real icon inna the business and it woulda sad fi see him go prison, and tings nuh great wid him. Him vehicle dem still de a de pound over Waterhouse, dem cancel him visa, every minute, de girls dem a try extort him say him ah beat dem, mi hear say ah $3 million ah the new asking price fi drop case, it get sticky. Anyway, ah this morning the Gun Court case start where he is charged jointly with ex-cop Calis Bowen regarding a 2007 incident where some shots were fired at the off-duty cop. How dem bad so???
KIPRICH ANGERS THE GAZA WID CAKE SOAP SONG
Gaza fans dem fed up wid Kip Rich, ah long time dem a watch him and everytime Gaza do nothing, him run go jump pon di Cake Soap ting, and a gwaan wid a bagga tings. Gaza people nuh like how yu a OD di ting. Kartel say nuff people ah watch him too hard, dem fi buil now.
BIG UP CHAN DIZZY
Mi love yu song, Nuh Strange Face Round Mi, it ah go hard, mi hear it ah play ah one dance ah country the other day, the dance mash up, but mi realize the radio man nah show no love, but just gwaan do yu ting. NO STRANGE FACE ROUND WI, NUH NEW FRIEND FI 2010 AND BEYOND!!!
CRIME AH INCH UP AGAIN
What a way the gangs dem decide fi spike up productivity after murders drop inna September, last week, ah 30 people alone dead from gang war. It look like the ting start up again. Commissioner, do something bout the crime now.
X-FACTA VS THREE STAR
It look like some friction ah start up between Gaza and Gully because a yute name X Facta do a song ah diss up Flexx and Three Star from the Gully.
PEOPLE WAAN FI KNOW...
Why dem a try fight Ragashanti? Yu nuh see the man ratings ah go through the roof over Nationwide. Beat the tambourine. BIG UP BARRY G, YU O.D AH MAD DEM, mi see yu pon mi TV and mi haffi big yu up, mi big sister used to listen to yu all the time inna the house back inna the day, yu was before my era but mi still haffi give yu props, nuff ah the people dem pon radio now no have no sense of diction, enunciation or any other --ation, dem nuh good, ah duppy dem! Yu a de real deal.
How some artiste seh dem hype and dem caan come back Nick Jr. like Ziggy Marley? Who dem feel dem is? Dem anno nuh nobody!!!
What a way it come in like police dem a try set up Pastor Lewis say him have sex with the 15 year-old girl inna one Negril hotel room? The girl say ah lie, nutten no go so, so where is the evidence, where is the rape kit? What about the DNA?
Leave a comment
Make sure you enter all the required information, indicated by an asterisk (*). HTML code is not allowed.